Tuldok

Kanina lamang
Nais ko na naman na tapusin ang lahat.
Ang lahat.

Nais ko nang mabingi sa lahat ng mga ingay na dala ng mundong ito.
Hindi totoo na may musika.
Ingay lang.
Ingay lang.

Kanina lamang
Nais ko na muling ipikit ang mga mata ko.
Nais ko na wala nang makita.
Hindi totoo ang nasa paligid ko.
Imahinasyon lang.
Imahinasyon lang.

Kanina lamang
Ikaw ang andyan sa tabi ko.
Ngunit hindi totoo ang mga ngiti mo.
Tangis lang.
Luha lang.

Kanina lamang
Nais kong yakapin ka
Alisin sa lugmok na kinasasadlakan mo.
Ngunit pa'no gagawin 'yon?
Ako iyon.
Ako iyon.