For Santa

Dear Santa Claus,

Pede po manghingi ng halo (hey-lo)?
Mahirap kasi yun makuha, eh.

P.S.
Nasa tabi ng bintana yung stocking. Bagong laba yun.

Love,
Tin

Kwentong Bog-chi

(mula sa kumakalam na sikmura ni Tin): Part 1

12 na ka-DIGHAY DIGHAY na weirdong pagkain at inumin

Akala ng karamihan, mahinang kumain ang patpatin na ito. Ang totoo, marami akong tinatagong bilbil. Paanong hindi? Busog sa mga kakaibang food trip at experimento na nakuha sa tabi-tabi dyan at sa dako paroon. Hindi ko ipagpapalit ang mga sumusunod sa anumang mamahaling pagkain sa mundo o maging sa universe pa.
Yum! Yum! Yum! Yum! Yum! Yum!

Categories:
"mag kanin ka!" - rice ang main ingredient
"inom at higop" - sabaw at inumin
"ulam at meryends" - pede both ulam at meryenda
"prom di movies" - nakuha sa mga movies

"mag kanin ka!" - rice ang main ingredient

Bansag: "century beef rice"
Ano yun: sinangag na pinaghalong Century tuna at corned beef
Kanino napulot: naisip ko lang (ginagawa ko ito pag umuuwi ako sa Lubao)

Istep 1: Paghaluin sa mangkok ang Century tuna (minus the oil) at corned beef.
Istep 2: Isantabi.
Istep 3: Isangag ang natirang kanin.
Istep 4: Ihalo sa isinasangag ang isinantabing sangkap sa Istep 1.
Hep-Hep:
Mas masarap kung isasabay ang pagkain nito sa paghigop ng mainit na MilCafe.


Bansag: "tipid bagoong rice"
Ano yun: mas tipid na bagoong rice
Kanino napulot: naisip ko lang din (ginagawa ko ito pag bumibili ako ng manggang hilaw)

Hep-Hep:
Bumili ng manggang hilaw.
Wag kalimutang i-check kung mayroong kasamang bagoong ang mangga.
Wag din kalimutang i-check kung walang ibang kasama (na gumagalaw) ang bagoong!
Ubusin na ang mangga, pero magtira ng bagoong.
Istep 1: Ilagay ang kanin sa plato.
Istep 2: Ihalo ang natirang bagoong.


Bansag: "sitoyman"
Ano yun: hindi ito binaliktad na 'toymansi'; sinangag ito na kanin sa toyo at mantika
Kanino napulot: sa kanunu-nunuan (malamang andito na ito hindi pa ako napapanganak)

Istep 1: Paghaluin sa mangkok ang 1/3 tasa ng toyo at 1/8 tasa ng mantika.
Hep-Hep:
Pag bumubili ng toyo, wag tanungin si 'dang Luz ng "Atin ko pung toyo?"
Lalong wag tanungin sya ng "Atin ko pung taba?" Aruy, Dyos ko, pulayi na ka.
Istep 2: Isantabi.
Istep 3: Isangag ang natirang kanin.
Istep 4: Ihalo sa isinasangag ang isinantabing sangkap sa Istep 1.


Bansag: "ricepaghetti"
Ano yun: kaning lamig sa bagong init na spaghetti sauce
Kanino napulot: kay Pok

Istep 1: Mag spaghetti party muna. Make sure si Pok ang gumawa ng spaghetti. Sarap!
Istep 2: Magtira ng spaghetti sauce.
Istep 3: Matulog ka.
Istep 4: Gumising ka the following day.
Istep 5: Humingi ng natirang spaghetti sauce kay Pok.
Istep 6: Iinit ang spaghetti sauce.
Istep 7: Ilabas na ang kaning lamig.
Hep-Hep:
Siguraduhing hindi pa panis ang kaning lamig.
Siguraduhin ding hindi pa panis ang spaghetti sauce.
Istep 8: Ibuhos ang bagong init na spaghetti sauce sa kaning lamig.


Bansag: "minatamis na kanin"
Ano yun: kanin with powdered milk and sugar
Kanino napulot: sa akin (nung bata pa ko) at sa mga kalaro ko

Istep 1: Ilagay ang kanin sa plato.
Hep-Hep:
Kung medyo maliit ang bituka nyo, pwede na ring platito.
Istep 2: Budburan ng powdered milk.
Hep-Hep:
Ang plato na mayroong kanin, hindi ang kung anu.
Istep 3: Lagyan ng asukal.
Istep 4: Haluin.
Istep 5: Kutsarain. Pwede ding kamayin. Siguraduhing malinis ang kamay.
Istep 6: Tawagin na ang mga kalaro!

"inom at higop" - sabaw at inumin

Bansag: "MilCafe"
Ano yun: Milo at Nescafe instant coffee
Kanino napulot: naisip ko ito

Istep 1: Magtimpla ng Milo sa tasa.
Istep 2: Ihalo sa tinimpla ang isang kutsara ng Nescafe instant coffee.
Istep 3: Lagyan ng mainit na tubig.
Hep-Hep:
Mas masarap ito pag isinabay sa "century beef rice".

Bansag: "d' ultimate sabaw"
Ano yun: inihaw na dalag + sampalok + kamatis + sibuyas + tubig
Kanino napulot: kay Dad (favorite nya ito, favorite ko din, favorite din ni ate Cynch nuon, di 'to ma-take ni Mom)

Istep 1: Mag-ihaw ng isdang dalag.
Istep 2: Isantabi.
Hep-Hep:
H'wag itabi sa pusa, baka maunahan ka sa pagkain.
Istep 3: Sa isa pang lalagyan, maglagay ng hiniwang kamatis, sibuyas at sampalok.
Istep 4: Ilagay ang isinantabing isdang dalag sa lalagyan kasama ang kamatis, sibuyas at sampalok.
Istep 5: Haluin gamit ang kamay, hanggang madurog ang kamatis, sibuyas at higit sa lahat, ang sampalok.
Hep-Hep:
You cannot skip this step. Ito ang nagpapasarap sa sabaw.
Istep 6: Sabay-sabay na higupin ang sabaw.

"ulam at meryends" - pede both ulam at meryenda

Bansag: "pancon"
Ano yun: pandesal na may condensed milk
Kanino napulot: kay Mumuy (sa mga panahong wala kaming pambili ng meryenda sa office)

Istep 1: Ihanda ang pandesal.
Istep 2.a: Lagyan ng condensed milk bilang palaman.
Hep-Hep:
Buksan muna ang lata. Wag ngatngatin; baka mawalan ng ngipin.
Gumamit ng can opener o kaya'y mandekwat, este manghiram nito.
Ilagay ang gatas sa pandesal, hindi ang lata.
Istep 2.b: Pwede ding isawsaw na diretso sa lata ang pandesal para mas enjoy!

Bansag: "peanut butter and banana"
Ano yun: hindi ito green, ha?
Kanino napulot: kay ate Cynch (favorite meryenda ito sa Lubao)

Istep 1: Balatan ang saging. (Bahala ka kung paano.)
Hep-Hep:
Mas masarap kung saging na lacatan. (Wag mag-isip ng kung anu-ano ha)
Istep 2: Isantabi.
Hep-Hep:
Isantabi din muna ang imahinasyon.
Istep 3: Kumutsara ng peanut butter.
Istep 4.a: Lagyan ng peanut butter ang binalatang saging.
Istep 4.b: Pwede ding isawsaw na diretso sa peanut butter container ang saging para mas enjoy.

Bansag: "enpalaya"
Ano yun: ensaladang ampalaya
Kanino napulot: kay Mom (favorite namin ito lalo na pag umuuwi sa Lubao)
: kay Mumuy din (sa mga panahong wala kaming pang-lunch sa office)

Istep 1: Hiwain ang ampalaya sa dalawa, lengthwise.
Istep 2: Hiwain nang maliliit (arc-shaped) ang hiniwang ampalaya sa Istep 1.
Istep 3: Pakuluan.
Istep 4: Isantabi.
Istep 5: Sa isa pang lalagyan, maglagay ng hiniwang kamatis at sibuyas. Si Mumuy, nilalagyan ito ng paminta.
Istep 6: Ilagay ang isinantabing ampalaya sa lalagyan kasama ang kamatis at sibuyas. At paminta, kung gamit ang version
Istep 7: Lagyan ng suka at asin.
Istep 8: Palamigin sa refrigerator.
Hep-Hep:
Mas masarap ito pag isinabay sa nilagang itlog. (idea ni Mumuy)

"prom di movies" - nakuha sa mga movies

Bansag: "peanut butter at keso"
Ano yun: peanut butter and cheese na ipinalaman sa pandesal
Kanino napulot: kina John Lloyd at Bea (sa movie na 'Close to You')

Istep 1: Ma in-love sa best friend.
Istep 2: Itulog lang ang nasa Istep 1.
Istep 3: Magising sa pambubulabog ng best friend na walang kaalam-alam sa Istep 1.
Hep-Hep:
Magmumog.
Istep 4: Ilabas ang peanut butter, pandesal at cheese.
Istep 5: Paghaluin ang 1 kutsarang peanut butter at cheese.
Istep 6: Ipalaman sa pandesal.
Hep-Hep:
H'wag tirhan ng pagkain na ito ang best friend kung manatili pa rin syang manhid at bulag.

Bansag: "ketchup juice"
Ano yun: pandesal na may palaman na ketchup na isinawsaw sa orange juice
Kanino napulot: kina Aga at Christine (sa movie na 'All My Life')

Istep 1: Maloko sa pangako ng kasal.
Istep 2: Mag cruise para malimutan ang nasa Istep 1.
Istep 3: Ma in-love ulit pero sa iba na.
Hep-Hep:
May sakit yung tao na yun. Pero wala kang kaalam-alam.
Sapakin mo nang pagka-lakas-lakas pag umamin sya na may sakit sya.
Istep 4: Ihanda ang pandesal.
Istep 5: Lagyan ng ketchup na palaman ang pandesal.
Istep 6: Isawsaw sa orange juice ang pandesal.

Busog po ba? Dighay. Dighay. Dighay.

Bangkang Papel, atbp.

Bata pa lang ako, may 'atraksyon' na ako sa pad paper.

'A-T-R-A-K-S-Y-O-N'.

Kaya nga napagkakamalan ako madalas o nabubuking na 'may topak'.

(pause)...
(long pause)...

Sa tingin ko

(pinag-isipan ko talaga ito nang matagal)...

hindi (naman) ako ganun.

Hindi naman nag-iiba yung hitsura ng mga papel pag tinitignan ko. Hindi naman yun nagmumukhang grilled chicken o sizzling sisig. Hindi ako naglalaway at lalong hindi ko kinakain yung mga papel. Hindi din nag ta-transform at nagiging Brad Pitt yung mga papel. Hindi (pa rin) ako naglalaway

(pause ulit)...

S-H-E-T.

Brad Pitt. Bakit di ko ba naisip yun?

Pero kung gusto na makasiguro, maaaring magtanong kay Bibay.
Si Bibay yung (psycho)therapist ko (na tinaguan ko na nang medyo matagal na panahon).
(ngisi)...

Ang totoo, bata pa rin naman ako ngayon (o isip bata), at tiyak ko na kahit maging ilang taong gulang pa ako (kung aabot man ako na Senior Citizen ng Republika ng 'Pinas o tawagin man ako na 'apung Tinay' ng mga taga-Lubao), babalik-balikan ko pa rin ang pad paper ko.

Hindi ako writer. Walang basehan na ibansag sa akin yun. Tamad akong magsulat. At kung may maisulat man ako, walang panama sa mga likha ng mga tunay na dugong-Balagtas o Nick Joaquin. Mas gusto ko lang na mag-imagine ng kung anu-ano. Yun lang, happy na ako.

Mas gusto kong gumawa ng bangkang papel at maglayag sa bawat sulok ng mundo kaysa magsulat. Mas gusto kong magpalipad ng eroplanong papel at umabot sa pinakamalayong galaxy (at makikita ko pa si E.T.) kaysa magsulat. Mas ayos kung gagawa ako ng game and watch out of pad paper kaysa maglaro ng mga salita sa pagsusulat. Mas gusto ko na basahin o hulaan ang personality ng isang tao (o hindi talaga tao) using a puppet paper kaysa magsulat. May

'A-T-R-A-K-S-Y-O-N'

talaga ako sa papel. Yun nga lang, sa paglalaro lang ng mga gawang papel.

bangkang papel.

paper plane.

papel na game and watch.

paper puppet.

Tapos na ba talaga ako sa mga laro?

Natanong ko ba yun nuong niregaluhan ako ni Tita Dedette ng

D-I-A-R-Y?

Ang purpose ni Tita nuon eh para mabawasan ang paglalaro ko.
Ang totoo n'yan, buhay pa yung diary ko na yun. Kulay blue saka pink yung lines nun. Scented pa.

"Dec 1- 1989
Dear diary,
kaninang umaga ay nagising ako
nung tanghali na ay naglaro kami chess ni dan-Dan.
nanalo ako
nung hapon na ay meryanda kami ng oreyn jiuce
Nung gabi na ay sleep na kow."

Pero tamad pa rin ako magsulat. Copy-paste, kumbaga.

Yung 'chess' - nag-iba yun. Naging:

nung tanghali na ay naglaro kami
piko
big boy
saynis garder (chinese garter)
tachi raber (touching runner)
langit lupa

Si 'dan-Dan', na closest cousin ko nuon at kakambal ko, naging:
ni
Che-Che
An-An
ate Cyn
tita Sara
tita Juliet
Jayson
Lawrence (baby love ko)

Minsan, ala na yung phrase na:

ay meryanda kami ng oreyn jiuce

May times na naging:

ng orage juice (mali pa rin spelling!)

Yun. Pero syempre, gumawa pa rin ako ng

bangkang papel.

paper plane.

papel na game and watch.

paper puppet.

Yung ibang pages pinilas ko. Salbaheng bata!

Tapos, high school at college. Medyo nabawasan na katamaran ko. Ah, kasi kelangan nang mag-aral. Takot ko lang sa mga teachers at prof. ko.

"Altura, Christine
IV- AOL
"

At outside the University:

"This is to express my interest in your job offer...
"

Ngayon, 26 taon, heto ang pad paper ko:

" "

Kelangan ko bumalik ng grade 1.
Pag nagawa ko na, promise, ku-kwentuhan kita.

-----------------------------------------------------------------------------------------------------------------
Pahabol:
Sa ngayon, matuturuan muna kita gumawa ng:

bangkang papel.
paper plane.
papel na game and watch.
paper puppet.